خربشات 2014

«ما الذي سأقوله عنك، إذا ذميتك أكون قد ظلمتك وان مدحتك أكون  بجزء من مديحي أكذب وبعد تفكير طويل واسترجاعي لشريط ذكرياتي معك يوم بيوم وشهر بشهر طلع معي التالي فاسمعي ما سأقول: فقدت وغاب عني أشخاص أعزاء، لكن لازال معي وعندي أناس أعزاء وباقون معي وباقية معهم، وعم استغل وقتي والمتبقي معهن بكل تفاصيله وأيامه لأنه يا عزيزتي ما بنعرف سنة 2015 شقيقتك القادمة ويلي جاية ومستعجلة شو مخبية معها…

بقلك حققت جزء من أجزاء لوحة (بازل) بحلم فيا وبتمنى كملها وطبعاً كان أحلا وأفضل وأهم جزء من لوحتي حتى لو ما اتصلت بقية الأجزاء.. أهم شعاراتي كانت خلالك وباقية عليها ومرافقتي طول حياتي لحتى مماتي هي: الإدارة والصبر والتفاؤل والمحبة رغم يلي صار مع سورية الحبيبة ومعي خلالك يا سنة 2014 وفيهن رح كمل هاللوحة ورح تكون أحلى وأجمل لوحة نفتخر فيها أنا أولاً وعيلتي وأحبابي وأصدقائي ثانياً مع شقيقتك 2015 وقبل ما أتركك وودعك إلي عندك رجاء وسع الدنيا كلها ووسع السما ووسع الكون..

وقت تستلم منك 2015 الدرب لا تسلميها سوريانا حزينة ومجروحة، خليهن إلك وخليها ترجعلنا سورية الحضارة سورية الأمان، سورية المحبة، ثم المحبة، ثم المحبة، ثم المحبة، ثم المحبة، ونقطة انتهى 2014».