ذكريات سورية
صباح الفليفلة الحمرا المنشورة
وذكريات بقلبي باقية ومحفورة
صباح صواني البندورة الحمرة المعصورة
عالسطح هون وهون منتورة
وصواني المربى المغطاية بقميص أبيض
وعم يحوم عليها الدبور والدبورة
مسا البيتنجانات السود المحفورة
عحبل الغسيل مصفوفة ومنشورة
وبيتنجانات المكدوس والجوزات والحرحورة
وقطرميزات اللبنة المدعبلة بالزيت محطوطة ومغمورة
صباح المونة السورية يا أحنّ بلد بهالمعمورة
صباح الخير يا أبيّة ونيّال الطير والعصفورة
برفة جناح بصيرو بسماكي بيتنفسوا هواكي وبشمّو ورودها وزهورها
سورية يا وجعي يا بسمة عمري المقهورة والدمعة بعينها واقفة ومحصورة
وهالمغتربين، إلهي تلمّ شملهم وترجّعن عبلدهن، وساعتها لأترك الفيس والواتس وإرجع لجوّال بلا كاميرا وبلا صورة!