منجل وشاكوش حريّة

طعان تجرا:

قرّبت بالتسعين عَالْمِيّة

وناجح صرت تسعين بالميّة

والعمر بالميّة وقت بتصير

بتكمّل الميّة على ميّة

يا مناصر الفلاح عَطموحو

ومناصر العامل على جروحو

صاروا بيارق عزّك يلوحوا

منجل وشاكوش حريّة!

جاي الشعر بعيدَك التسعين

يهنّيك عاصدق الشيوعيين

وبوقت الصرنا تحت اسم الدين

بنرجع على أيّام برّيّة

تأمّلت بشيوعيّة النحلات

بتغنّج الوردات بالنسمات

تأمّلت بشيوعية الوردات

بتضايفُن بْلا دفتر حسابات

بالشجر بالوديان بالغابات

بتسقي الأرض دمعاتها خيرات

وقلت هالحزب الحلو بالذات

ما أسّسو لينين لو ما تكون

من قبلو الطبيعة شيوعيّة!